Endurlýsing: Dagligur leiðari til Hotell Ørkina í Reykjavík

Søkt verður eftir dagligum leiðara til Hotell Ørkina, føroyska sjómansheimið í Reykjavík.

Ørkin hevur 20 kømur við 67 seingjarplássum, har morgunmatur er íroknaður gisting. Umframt matarsal eru fundarhølir á hotellinum. Ørkin er knýtt at Føroysku Sjómansmissiónini.

Leiðarin:

  • hevur innlit í roknskap og hevur fíggjarliga og rakstrarliga ábyrgd av Ørkini
  • skipar arbeiðið og hevur ábyrgd av starvsfólkunum
  • røkir sambond við ferðaskrivstovur og viðskiftafólk
  • samskipar kristilig tiltøk á og út frá Ørkini
  • er jaligur og arbeiðssamur og skapar eitt heimligt huglag
  • góðtekur og arbeiðir samsvarandi viðtøkum fyri Ørkina og kristna grundarlagnum
  • vísir til formannin fyri stýrið fyri Hotell Ørkina

Vit bjóða:

  • eitt spennandi, avbjóðandi og gevandi starv
  • løn og setanartreytir sambært avtalu
  • íbúð til leiðaran er knýtt at Ørkini

Umsóknarfreistin er 23. oktober 2023. Leiðarin byrjar 1. desembur ella eftir nærri avtalu.

Skrivlig umsókn, saman við viðkomandi skjølum, skal verða stýrinum í hendi í seinasta lagi 23. okt. 2023, og stílast til formannin fyri Ørkina, Torleif Johannesen, á torleif@mission.fo

LES EISINI  Ólavur útsendur til trúboðaratænastu í Íslandi

Vilt tú vita meira um starvið, kanst tú seta teg í samband við formannin á tlf. 229024.

Spurningar
Í løtuni eru ikki spurningar til greinina