Aftur til forsíðu

Kamarslonin: Málaraarbeiðið um at vera liðugt – timburmenninir kunnu fara í gongd

Mánaðargomul mynd

Kamarslonin: Málaraarbeiðið um at vera liðugt – timburmenninir kunnu fara í gongd

Tað gongur væl við at innrætta nýggju kamarslonina í Leguhúsinum í Nesvík. Hetta er arbeiðið, sum sjálvboðin gera og sum miðjað verður eftir at fáa liðugt um tríggjar mánaðir. Málaraarbeiðið er um at vera liðugt, og málararnir fáa illa gjørt meira, fyrrenn timburarbeiðið er gjørt. Timburarbeiðið er í høvuðsheitum tilsetningar rundan um vindeyguni og niðurhongd loft inni á kømrunum.

Tí er nú klárt hjá timburmonnum at fara í gongd. Ábyrgd fyri timburarbeiðnum hevur Hans Jákup Hansen á Nesi.

Annars er sjálvlbodna arbeiðið skipað soleiðis:

Dávur Reinert Hansen á Toftum (227894) samskipar arbeiðið.

Álitispersónar eru:

Máling: Eskild Hansen (215089) og Óli Poulsen, Klaksvík (225690)

El: Jógvan Reynslág, Argir (291232)

Timbur: Hans Jákup Hansen, Nes (225368)

Uttandura: Jørgen F. Andreasen, Leirvík (593070)

HVS: Bartal Danielsen, Strendur (290388)

Fólk venda sær so til álitispersónarnar fyri tað fakið, sum ein heldur seg til at vera við í. Ein skal ikki halda seg aftur, tí brúk er fyri nógvum fólki.

Nýggja kamarslonin er í tveimum hæddum við seks hjúna- og familjukømrum á hvørjari hædd, við baði/vesi. Eitt kamar á hvørjari hædd er serliga handikapvinarligt.

Undanfarna grein

Sjómanskvinnuringurin á Strondum

Les grein

Fólk skulu kenna aðrar møguleikar enn menningarlæruna

Les grein
Næsta grein
A+

Trúboðin er ókeypis

...men arbeiðið verður fíggjað við sjálvbodnum gávum.
Dámar tær væl at lesa Trúboðan? So vilja vit fegin spyrja teg, um tú vilt stuðla Trúboðanum.