12. – 14. mai verður leiðsluráðstevna fyri stýrislimir í Leguhúsinum í Nesvík.
Hetta er fyrstu ferð, at ein líknandi ráðstevna verður hildin í Nesvík.
Í 2005 skipaði Heimamissiónin eisini fyri eini leiðsluráðstevnu, sum tá varð hildin í Tabor á Toftum.

Fyriskipararnir hava lagt seg eftir, at tað skal gerast eitt hugnaligt, kveikjandi og upplýsandi vikuskifti, har stýrislimirnir í missións- og meinigheitshúsum okkara kring alt landið í grundini bert kunnu møta upp, lena seg afturá og taka ímóti tí, fyriskipararnir borðreiða við.

Her verður ríkt høvi at knýta sambond og verða partur í góðum felagsskapi við onnur menniskju við somu áhugamálum, at fáa viðkomandi undirvísing frá góðum og kendum nøvnum her á landi umframt frá kenda danska sálarfrøðinginum, Steen Palmqvist, sum hevur drúgvar royndir at fáa einstaklingar til at trívast í smáum sum størri felagsskapum.

Steen kemur úr Danmark fyri at vera saman við okkum hetta vikuskifti. Høvið verður eisini at tosa við Steen annars, so nýtið endiliga møguleikan at fáa saklig ráð og vegleiðing frá einum, ið ikki er so tætt vavdur inn í okkara staðbundnu trupulleikar. Og so mugu vit ikki gloyma góða matin, ið eisini hetta vikuskifti verður borðreitt við.

Góðu stýrislimir, hetta tiltakið skal síggjast sum ein roynd at eggja og stimbra tykkum í týðandi uppgávuni, tit standa í.

So gleði tykkum…!

Meira kunning um kostnað og tilmelding kemur út í næstum, men setið endiliga longu nú kross í kalendaran til nakrar góðar og gevandi dagar.


SKRÁIN

Hósdagur 12. mai

Kl. 17.30 móttøka

Kl 18.30 nátturði

Kl. 19.45 vælkomin

Kl 20.00 ósemjur, synd og forðingar fyri halgan í meinigheitini v/Steen Palmqvist

Eftir hetta verður bólkaarbeiði og samtalur.

Drekka og okkurt gott afturvið

Hugnaløta eftir at skráin er liðug

Fríggjadagur 13. mai

Kl 8.00 morgunmatur

Kl 9.00 Móses, mistøk og uppreisn sum leiðari v/Bergur D. Joensen

Steðgur

Kl 10.30 trivnaður í meinigheitini v/Steen Palmqvist

Kl 12.00 døgurði

Kl 14.00 eftirmeting í bólkum

Kl 15.30 drekka

Kl 16.00 Bøn og Bíblia sum leiðsluamboð – Tummas Kannuberg

                Kvinnur í leiðslu – Marjan Nielsen

Kl 17.30 Hugnaløta, skemt og góður biti – Heri Joensen. Sangur: Gentur á Strondum

Kl 20.30 Halgan í meinigheitini v/Steen Palmqvist

Dagurin endar við drekka og hugnaløtu

Hugnaløta eftir skráin er liðug

Leygardagur 14. mai

Kl 9.00 morgunmatur

Kl. 10.00 Útbrend í leiðslu og endurnýggjan í leiðslu v/Steen Palmqvist

Kl. 12.00 døgurði og endi