Aftur til forsíðu

Mission Øst hjálpir við at byggja uppaftur í Irak

Mynd: Mission Øst

Mission Øst hjálpir við at byggja uppaftur í Irak

Í seinastu viku vitjaði Kim Hartzner, aðalskrivari í Mission Øst í Irak, upplýsir felagsskapurin á facebooksíðu síni. Mission Øst hjálpir við endurbygging í vestara parti av býnum Mosul.

– Vit hjálpa børnum, sum eru rakt av tungum sálarløstum, sigur Kim Hartzner, sum er lækni og eitt skifti síðst í 1980’árunum arbeiddi á Klaksvíkar Sjúkrahúsi.

– Børnini eru farin ígjøgnum hendingar, sum vit ikki kunnu ímynda okkum. 250-300 teirra koma á støðina hjá Mission Øst, sum vit reka saman við samstarvsfelagsskapinum EADE. Tey læra enskt, læra at tekna, og tey syngja og spæla. Tey fáa vón og trúgv uppá framtíðina eftir sera hørð ár undir ræðustýrinum hjá IS, sigur hann.

Mission Øst er ein altjóða neyðhjálpar- og menningarfelagsskapur, sum er stovnaður í Danmark. Felagsskapurin virkar fyri at hjálpa viðbreknum menniskjum og stuðla lokalsamfelagnum at skipa fyri  og hjálpa sær sjálvum, bæði tá vanlukkur raka og tá talan er um langsiktaða menningarhjálp. Felagsskapurin arbeiðir í Armenia, Myanmar, Irak, Nepal, Norðurkorea, Sýria og Tadsjikistan.

Sýrisk-katólska kirkjan í Mosul, sum ikki kann brúkast longur

Viðmerkingar

Til ber at viðmerkja greinina við sakligum grundgevingum og sjónarmiðum. Ein góð minnisregla: Skriva ikki annað enn tað, sum tú kanst siga við ein persón andlit til andlits. Trúboðin loyvir sær at strika viðmerkingar, sum innihalda ljótan málburð, persónsálop ella haturstalu.

Undanfarna grein

Missiónsvika í Haldórsvík frá hóskvøldinum

Les grein

Hagstovan: Fosturtøkur minkaðar niður í ein fjórðing eftir tríati árum

Les grein
Næsta grein
A+