Aftur til forsíðu

Nigeria: Bíbliutýðingar til 250 mál skulu byrja innan eitt ár

Mynd: Holger Schué á Pixabay

Nigeria: Bíbliutýðingar til 250 mál skulu byrja innan eitt ár

Hóast ógvusliga forfylging av kristnum í Nigeria, verður farið undir eina bíbliutýðingarverkætlan til 250 mál innan eitt ár, skrivar Mission Network News.

Tann 20. februar í ár varð Muhammadu Buhari afturvaldur til forseta í Nigeria, hvørs íbúgvar eru sundurbýttir av ymsum átrúnaðum, politiskum sjónarmiðum og ósemjum millum ættarbólkar. Tey kristnu í norðara parti av Nigeria eru fyri veruligum fólkadrápi. Sambært International Christian Concern eru í minsta lagi 270 fólk dripin í statinum Kaduna síðani 10. februar, og minst 70 kristin vórðu fyrstu vikurnar av 2019 dripin í hinum statunum í ‘miðbeltinum’.
Felagsskapurin Wycliffe Associates fer nú at læra prestar og aðrar kirkjuleiðarar upp, til tess at fáa Bíbliuna týdda til tey mongu málini í Nigeria.

– Hóast avbjóðingarnar hjá teimum kristnu, eru tey vorðin djarvari og styrkt í trúnni. Tey duga at síggja, at landið hevur brúk fyri andligum broytingum, og at Bíblian á lokalmálunum kann vera eitt ljós í myrkrinum, sigur Bruce Smith frá Wycliffe Associates.

 

Kelda: Udfordringen

Undanfarna grein

Er tað møguligt at rísa upp frá deyðum?

Les grein

Hann er risin upp! - Ein gjøgnumgongd av 1. Korintbrævi 15,3-8 (fyrri partur)

Les grein
Næsta grein

Trúboðin er ókeypis

...men arbeiðið verður fíggjað við sjálvbodnum gávum.
Dámar tær væl at lesa Trúboðan? So vilja vit fegin spyrja teg, um tú vilt stuðla Trúboðanum.

A+