Aftur til forsíðu

Norðurkorea framvegis torførasta land at vera kristin

Mynd: Open Doors

Norðurkorea framvegis torførasta land at vera kristin

Hvørt ár við ársbyrjan ger altjóða felagsskapurin Open Doors, sum virkar fyri forfylgdum kristnum um allan heim, ein lista yvir tey lond og øki, har kristin verða forfylgd. Í morgun var ein dagførdur listi almannakunngjørdur.

Hóast søgulig framstig vórðu gjørd í fjør í viðurskiftunum millum Norðurkorea øðrumegin og Suðurkorea, hini grannalondini og USA hinumegin, so er Norðurkorea framvegis tað landið í heiminum, har tað er truplast at vera kristin. Henda ivasama heiður hevur Norðurkorea havt í mong ár. Tey kristnu í landinum bera ótta fyri, at bøtt viðurskifti við Vesturheimin ikki fara at hava nakran bata við sær fyri tey.

Heimslistin vísir eisini, at í 11 londum er talan um ekstrema forfylging. Norðurkorea er kommunistiskt, meðan flestu av næstu londunum á listanum eru muslimsk. Tó eru undantøk. Í India, sum liggur á tíggjunda plássi, er vaksandi forfylging frá víðgongdum hinduistiskum bólkum, sum fáa stuðul frá ráðandi stjórnarflokkinum. Eritrea, sum er á sjeynda plássi, er partvís muslimskt og partvís kristið. Tað merkir, at umframt islam verða tann ortodoksa, tann katólska og tann lutherska kirkjan viðurkendar, meðan allir aðrir átrúnaðir í verki eru forbjóðaðir. Men í muslimskum pørtum av landinum, har alsamt fleiri gerast víðgongd, verða kristin frá øllum kirkjusamfeløgum forfylgd, og í øðrum pørtum av landinum eru protestantisk kristin undir trýsti frá ortodoksum kristnum.

Dagførdi heimslistin yvir forfylgd kristin, sum Open Doors letur gera.

Á filmsbrotinum niðast sæst, hvussu listin verður gjørdur og hvat meint verður við forfylging.

Londini á listanum er hesi:

  1. Norðurkorea
  2. Afganistan
  3. Somalia
  4. Libya
  5. Pakistan
  6. Sudan
  7. Eritrea
  8. Jemen
  9. Iran
  10. India
  11. Sýria
  12. Nigeria
  13. Irak
  14. Maldivoyggjar
  15. Savdiarabia
  16. Egyptaland
  17. Usbekistan
  18. Myanmar
  19. Laos
  20. Vjetnam
  21. Miðafrikalýðveldið
  22. Algeria
  23. Turkmenistan
  24. Mali
  25. Móritania
  26. Turkaland
  27. Kina
  28. Etiopia
  29. Tadsjikistan
  30. Indonesia
  31. Jordan
  32. Nepal
  33. Butan
  34. Kasakstan
  35. Marokko
  36. Brunei
  37. Tunesia
  38. Katar
  39. Meksiko
  40. Kenja
  41. Russland
  42. Malaisia
  43. Kuvait
  44. Oman
  45. Sameindu Arabisku Emiratini
  46. Sri Lanka
  47. Kolumbia
  48. Bangladesj
  49. Palestinsku økini
  50. Aserbadjan

Kelda: Open Doors

Viðmerkingar

Til ber at viðmerkja greinina við sakligum grundgevingum og sjónarmiðum. Ein góð minnisregla: Skriva ikki annað enn tað, sum tú kanst siga við ein persón andlit til andlits. Trúboðin loyvir sær at strika viðmerkingar, sum innihalda ljótan málburð, persónsálop ella haturstalu.

Undanfarna grein

Eydna

Les grein

Fekk nógvan døgurðamat sum tøkk

Les grein
Næsta grein
A+

Trúboðin er ókeypis

...men arbeiðið verður fíggjað við sjálvbodnum gávum.
Dámar tær væl at lesa Trúboðan? So vilja vit fegin spyrja teg, um tú vilt stuðla Trúboðanum.