Aftur til forsíðu

Leah ikki leyslatin enn

Mynd: Open Doors

Leah ikki leyslatin enn

Fyri umleið einum árum síðani burturflutti islamiski yvirgangsfelagsskapurin Boko Haram 15 ára gomlu Leah Sharibu og 104 onnur úr Dapchi Secondary School í statinum Yobe í landnyrðinspartinum av Nigeria. Ein mánað seinni vórðu øll leyslatin uttan Leah. Hon varð afturhildin, tí hon noktaði at sleppa síni kristnu trúgv.

Seinasta sunnudag endurnýggjaði familjan hjá Leah sína áheitan til sambandsstjórnina og altjóða samfelagið um, at tey ikki skulu sleppa stríðnum fyri dóttur teirra. Mamman, Rebecca, eggjaði Buhari forseta, eins og USA og Stórabretlandi til at gera alt fyri at bjarga dóttur hennara. Hon eggjaði forsetanum og stjórnarsendinevndini til at halda tað lyftið, sum tey góvu, tá tey vitjaðu hana í fjør.

“Forsetin tosaði við meg í telefon og heitti á meg um ikki at stúra, og hann tryggjaði mær, at dóttir mín fór at verða leyslatin. Tríggir ráðharrar vitjaðu meg eisini og vissaðu meg um, at hon fór at verða leyslatin, men higartil havi eg einki hoyrt.”

Open Doors hevur javnan verið í samband við familjuna hjá Leah og bjóðar teimum bæði praktiskan og sálarligan stuðul. Felagsskapurin heitir eisini á kristin um at biðja fyri, at Leah sleppur leys, og fyri familju hennara.

 

Kelda: Open Doors

Viðmerkingar

Til ber at viðmerkja greinina við sakligum grundgevingum og sjónarmiðum. Ein góð minnisregla: Skriva ikki annað enn tað, sum tú kanst siga við ein persón andlit til andlits. Trúboðin loyvir sær at strika viðmerkingar, sum innihalda ljótan málburð, persónsálop ella haturstalu.

Undanfarna grein

Eg hevði eina hoyrt um teg, men nú hevur eyga mítt sæð teg

Les grein

Sjómanstrúboðarin vitjar Ørkina um vikuskiftið

Les grein
Næsta grein

Trúboðin er ókeypis

...men arbeiðið verður fíggjað við sjálvbodnum gávum.
Dámar tær væl at lesa Trúboðan? So vilja vit fegin spyrja teg, um tú vilt stuðla Trúboðanum.

A+