Aftur til forsíðu

Tey kristnu í Bulgaria sleppa undan stórum avmarkingum

Mynd: Nikola Belopitov

Tey kristnu í Bulgaria sleppa undan stórum avmarkingum

Bulgarar hava síðani oktober mánað mótmælt einum lógaruppskoti, sum skuldi avmarka tær protestantisku kirkjurnar. Vikulig tiltøk og bøn bæði innan- og uttanlands síggja nú út til at hava givið úrslit.

Ársins seinasta arbeiðsdag í 2018 endaði tjóðartingið í Bulgaria arbeiðið við nýggju lógini. Nú inniheldur lógin ikki tær stóru avmarkingarnar, sum protestantarnir høvdu óttast mest fyri.

Hóast tey eru løtt um hjartað og takka Gudi, eru tey kristnu framvegis hørm um, at stjórnin yvirhøvur kundi finna uppá at leggja eitt so víðfevnt uppskot fram, skrivar Christianity Today.
– Vit fagna avgerðini hjá bulgarsku stjórnini um at loyva, at hundraðtals kirkjur, teirra millum 130 baptistakirkjur, framhaldandi kunnu vera opnar, so tey trúgvandi framvegis frítt kunnu tilbiðja eftir síni sannføring, varð sagt í eini fráboðan frá The Baptist World Alliance.

Broytingarnar í lógini, sum komu í gildi 1. januar, tryggja størri stuðul til ta ortodoksu kirkjuna og muslimarnar, sum eru tey bæði størstu trúarsamfeløgini. Tær protestantisku kirkjurnar sleppa tó undan at skula gevast við sínum undirvísingartilboðum og kunnu framvegis taka móti stuðli og prædikufólki úr øðrum londum.

LES EISINI  - Kærleikin bindur okkum saman, sigur kristin ungdómur á barnaheimi í Libanon

Undir seinastu mótmælisgongunum í høvuðsstaðum Sofia býttu 200 kristin bíbliur og persónligar heilsanir út til allar limirnar í tjóðartinginum, skrivar Evangelical Focus.

 

Kelda: Udfordringen

Viðmerkingar

Til ber at viðmerkja greinina við sakligum grundgevingum og sjónarmiðum. Ein góð minnisregla: Skriva ikki annað enn tað, sum tú kanst siga við ein persón andlit til andlits. Trúboðin loyvir sær at strika viðmerkingar, sum innihalda ljótan málburð, persónsálop ella haturstalu.

Undanfarna grein

Gjørd/ur sátt við Gud

Les grein

Mikukvøldið byrjar missiónsvikan í Rituvík

Les grein
Næsta grein
A+

Trúboðin er ókeypis

...men arbeiðið verður fíggjað við sjálvbodnum gávum.
Dámar tær væl at lesa Trúboðan? So vilja vit fegin spyrja teg, um tú vilt stuðla Trúboðanum.