Á stórmøtunum í høllini á Hálsi í Havn 25.-27. oktober er eisini nógv á skránni fyri tey smáu og tey eitt sindur stóru.

Allir aldursbólkar byrja saman hvørt kvøld

Hvørt kvøld eru stórmøtini – fríggjakvøldið og leygarkvøldið klokkan 19.30 og sunnukvøldið klokkan 18.00. Felags fyri øll tiltøkini er, at børnini møta í høllini á Hálsi, áðrenn tiltøkini fyri teirra aldursbólk byrja.

Fríggjakvøldið

Fríggjakvøldið byrjar stórmøtið klokkan 19.30, og eina løtu seinni kunnu børn undir skúlaaldur fara til barnaansing í kaféini í høllini. Samstundis byrjar eitt “juniortiltak” fyri børn í 1.-7. flokki. Har verður andakt, drama og ymiskt annað spennandi.

Leygarkvøldið

Eisini leygarkvøldið byrjar stórmøtið klokkan 19.30. Eftir felags byrjan í høllini, kunnu børn undir skúlaaldur aftur fara til barnaansing í kaféini. Tá kunnu børn í 1.-7. flokki fara yvir í høllini hjá Fimi at spæla.

Sunnudagin og -kvøldið

Seinasta dagin á stórmøtunum er eisini mest á skránni fyri børnini.

Klokkan 15 verður Simbahitt í høllini. Tað er eitt tiltaki fyri alla familjuna. Kórini frá Sangfagnaðinum, ið verður í Leguhúsinum í Nesvík nú í heystfrítíðini (18.-20. oktober), syngja, og Ann Mari E. Kjølbro hevur eitt orð.

Eftir Simbahittið verða øll boðin til nátturða í høllini.

Klokkan 18 byrjar síðsta møtið á stórmøtunum, og tá byrja allir aldursbólkar aftur saman. Síðani kunnu børnini undir skúlaaldur fara til barnaansing í kaféini. Børnini í skúlaaldri kunnu tá fara til filmssýning í kjallaranum (filmurin er ikki egnaður til børn undir skúlaaldur).

Samlaða skráin fyri øll stórmøtini sæst við at trýsta her.

Niðanfyri er skráin fyri børn og juniorar.